Plantun de Prouvènço

Pèr coumpara dos planto d'encò nostre

Picea glauca & Rumex pulcher subsp. woodsii

Serento(-verdalo)

Picea glauca

Pinaceae

Àutri noum : Serénta, Sarento, Sourento, Serinte, Sùfi.

Nom en français : Epinette blanche.

Descripcioun :
Aquesto serento nous vèn d'Americo de l'uba (Alaska e Canada). En Prouvènço èi pas couneigudo coume planto de rebouscage (au contro di Pirenèio e de l'Aubrac). Sèmblo proun à nosto serento, pamens li fueio, aleva di jouino que soun bruno, soun bèn verdalo. Li pigno soun mens longo peréu (2,5 à 6 cm). Aquéstis aubre vènon de l'Erbo-blanco en Alouos (04). Sabèn pas se van se naturalisa.

Usanço :
Dèu agué li mémis usanço que la serento.

Port : Aubre
Taio : 10 à 30 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Picea
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2000 m
Aparado : Noun
Abriéu à juliet

Liò : Sapiniero
Estànci : Mountagnard à Subaupen
Couroulougi : Éurasiatico
Ref. sc. : Picea glauca (Moench) Voss, 1907

Lapas

Rumex pulcher subsp. woodsii

Polygonaceae

Àutri noum : Erbo-de-lapas, Rovinèu, Pichoun-lapas, Panadello, Paradello.

Noms en français : Patience divariquée, Oseille gracieuse.

Descripcioun :
La subsp. woodsii dóu lapas se n'en destrìo d'abord qu'a pas li fueio basalo en vióuloun, e pièi qu'a li valvo quàsi tant larjo que longo, courtamen dentado em'uno soulamen que fai de calouseta un pau grando. Es uno meno mens courènto que la subsp. pulcher ; s'atrobo pas dins tóuti li relarg. Coumpara emé la subsp. pulcher.

Usanço :
Soun li mémis usanço que la subsp. pulcher.